ஈமெயிலில் CC, BCC என்றால் என்ன? அதன் பயன்கள் என்ன?

நாம் பெரும்பாலும் ஒரு மெயில் compose செய்யும்போது அதை அனுப்ப To என்ற Field இல் நண்பர்களின் மெயில் ஐ‌டிக்களை கொடுப்போம். ஆனால் இது மட்டும் Send செய்ய உள்ள வழி அல்ல மேலும் இரண்டு வழிகள் உள்ளன. அவைதான் Cc, Bcc.

சரி இவற்றை எப்படி பயன்படுத்துவது??

Cc: Carbon Copy

நாம் எப்போது ஒரு மெயிலை இரு வேறு நபர்களுக்கு ஒரே வேலைக்கு அனுப்ப நினைக்கிறோமோ அப்போது இதனை பயன்படுத்தலாம். To field இல் முதல் நபர் ID யும், Cc யில் மற்றவர்கள் மெயில் ID யும் இதற்கு டைப் செய்ய வேண்டும்.

Cc யில் ஒரு மெயில் ID க்கு மேல் டைப் செய்ய வேண்டி இருந்தால் ஒவ்வொன்றுக்கும் இடையில் கமா போடவும்.

இந்த மெயிலை படிப்பவர் To, Cc என இரு Field லும் உள்ள மெயில் ID க்களை காண இயலும்.

இது எந்த இடத்தில் பயன்படும் என்றால், உங்கள் மேலதிகாரிக்கு ஒரு மெயில் அனுப்ப வேண்டும் அதையே வேறு சிலருக்கும் அனுப்ப வேண்டும் என்றால் To வில் மேலதிகாரி ஐ‌டி , Cc யில் மற்றவர் ஐ‌டி.

இதற்கும் To field க்கும் பெரிய வித்தியாசம் இல்லை.

Bcc: Blind Carbon Copy

நீங்கள் மின்னஞ்சல் அனுப்பும் போது Bcc யில் அனுப்ப வேண்டிய நபர்களின் பெயரை கொடுத்து இருந்தால் யார் படிக்கிறாரோ அவர் ID யும் மட்டுமே தெரியும். அநாவசியமான மற்றவர்கள் ID அவர்களுக்கு தெரியாது.

இது பாதுகாப்பானதும் கூட. இது Newsletter, மற்றும் பலருக்கு அனுப்பும் போது பயன்படும்.

Bcc யில் ஒரு மெயில் ID க்கு மேல் டைப் செய்ய வேண்டி இருந்தால் ஒவ்வொன்றுக்கும் இடையில் கமா போடவும்.

Bcc பயன்படுத்தும் போது To வில் கட்டாயமாக எதுவும் நீங்கள் கொடுக்க வேண்டிய அவசியம் இல்லை....!

Read More

Fake Mail ID - போலியான மின்னஞ்சல் முகவரி கண்டுபிடிக்க

நண்பர்களோ அல்லது மற்றவர்களோ அவர்களைத் தொடர்புகொள்ள நம்மிடம் தமது மின்னஞ்சல் முகவரியைப் பகிர்ந்துகொள்கின்றனர். ஆனால் மற்றவர்கள் பகிர்ந்துகொள்ளும் மின்னஞ்சல் முகவரிகள் சரியானதா இல்லை போலியானதா என்று பார்த்தவ நம்மால் கண்டறிய முடியாது.

அவர்கள் கொடுக்கும் மின்னஞ்சல் முகவரிக்கு மின்னஞ்சல் அனுப்பினாலும் சென்று சேராது. இதற்கு காரணம் ஒருவேளை அவர்கள் தவறான மின்னஞ்சல் முகவரியைக் கொடுத்திருக்கலாம் அல்லது அதிக நாட்கள் உபயோகிக்காமல் விட்டதால் செயலிழந்து இருக்கலாம். இல்லையென்றால் வேண்டுமென்றே நம்மிடம் போலியான மின்னஞ்சல் முகவரியை கொடுத்திருக்கலாம்.

அதுபோன்ற நேரங்களில் குறிப்பிட்ட மின்னஞ்சல் முகவரி சரியாக வேலை செய்கிறதா இல்லை செயலிழந்து விட்டத கண்டறிய நமக்கு ஓர் இணையதளம் உதவி புரிகிறது.

அந்த இணையதளத்துக்கான லிங்க்.


ஒரு மின்னஞ்சல் சரியானதா இல்லை போலியானதா என்று அறிந்த நீங்கள் அதிக தொழில்நுட்ப அறிவு பெற்றிருக்க வேண்டிய அவசியமில்லை. குறிப்பிட்ட லிங்கில் சொடுக்கி அந்தத் தளத்துக்குச் செல்லுங்கள்.

                                 

அதில் ஒரு விண்டோ வரும். அதில் உள்ள காலி கட்டத்தில், நீங்கள் பரிசோதிக்க வேண்டிய மின்னஞ்சல் முகவரியைக் கொடுத்து அருகில் உள்ள Verify Email என்ற பட்டனை அழுத்தவும். 

                             

நீங்கள் அவ்வாறு அழுத்தியவுடன் நீங்கள் கொடுத்த மின்னஞ்சல் முகவரி சரியானதா, இல்லை போலியானதா என்ற முடிவு வரும். குறிப்பிட்ட மின்னஞ்சல் சரியாக இருந்தால் அது Valid என்றும், இல்லை என்றால் not Valid என்றும் வரும்.அதை வைத்து குறிப்பிட்ட மின்னஞ்சல் சரியானதா இல்லை போலியானதா என்பதை நீங்க தெரிந்து கொள்ள முடியும்.

n                             

உங்கள் நண்பர்களுடன் பகிர்ந்து கொள்ளுங்கள்.

Read More

Gmail இல் delete செய்த Contacts-களை திரும்ப பெறுவது எப்படி ?

E-mail சேவையில் gmail தற்போது முதன்மை நிறுவனமாக செயல்பட்டு வருகிறது, ஈ-மெயில் அனுப்பும் போதும் சரி மற்றப்படி அனைத்துவிதமான முகவரி (Contact) -கள் அனைத்தையுமே நம்முடைய ஈ-மெயிலில் தான் சேமித்து வைப்போம். குறிப்பாக internet நண்பர்களின் ஈ-மெயில் முகவரிகள் அனைத்துமே ஈ-மெயிலில் தான் இருக்கும், ஒரு சிலரே தனியாக குறித்து வைத்திருப்பார்கள். இந்த ஈ-மெயில் முகவரியை நாமே அறியாமலேயே delete செய்திருப்போம். அல்லது வேறு செயல்பாட்டின் காரணத்தால் email address delete செய்யப்பட்டிருக்கலாம். அவ்வாறு delete செய்யப்பட்ட email முகவரிகளை மீட்டெடுக்க முடியும்.

முதலில் உங்களுடைய ஈ-மெயில் முகவரிக்குள் நுழைந்து கொள்ளவும், பின் Contacts என்பதை தேர்வு செய்து More Actions என்னும் பட்டியை தேர்வு செய்து அதில் Restore Contacts என்பதை தேர்வு செய்து எத்தனை நாள் என்பதை குறிப்பிட்டுவிட்டு, இழந்த Contact-களை restore செய்து கொள்ள முடியும்.

அதிகபட்சமாக ஒருமாதத்திற்கு உள்ளாக delete செய்த முகவரிகளை மட்டுமே மீட்டெடுக்க முடியும். அந்த குறிப்பிட்ட நாளில் உங்களுடைய ஈ-மெயில் முகவரியில் இருந்த Contact-ள் மட்டுமே restore செய்த பின்பு இருக்கும். மற்ற முகவரிகள் இருக்காது, என்பதையும் கவனத்தில் கொள்ள வேண்டும்.

Read More

புகைப்படங்கள் மற்றும் வீடியோக்களை இலவசமாக சேமிக்க கூகுள் போட்டோ என்ற புதிய அப் மற்றும் இணையதளம் அறிமுகம்

புகைப்படங்கள் மற்றும் வீடியோக்களை இலவசமாக சேமிக்க வகை செய்யும் ‘கூகுள் போட்டோ’ என்ற புதிய அப் மற்றும் இணையதளதை அறிமுகம் செய்துள்ளது கூகுள்.

ஆண்டுதோரும் அமெரிக்காவின் சான் பிரான்சிஸ்கோவில் கூகிள் I/O என்ற மாநாட்டை நடத்தி வருகிறது கூகுள் நிருவனம். வழக்கமாக இந்த மாநாட்டில் முக்கிய அறிப்புகளை கூகுள் வெளியிடும். அதன்படி இந்த ஆண்டு ‘கூகுள் போட்டோ’ என்ற புதிய அப் மற்றும் இணையதளதை அறிமுகம் செய்தது.

கூகுள் போட்டோ அப் ஆன்ராய்ட்டு போன்கள், ஆப்பிள் போன்கள் மற்றும் கணினிகள் ஆகிவற்றில் இயங்கும். இதில் உங்கள் புகைப்படங்கள், வீடியோக்கள் எந்தவித வரம்பும் இல்லாமல் பாதுகாப்பாக சேமித்து வைத்துக்கொள்ள முடியும். உங்கள் நண்பர்களுடன் பகிர்ந்து கொள்ள முடியும். இந்த புதிய வசதி நேற்று முதல் செயல்பாட்டுக்கு வந்துள்ளது.

Read More

கூகிள் ப்ளஸ், ஃபேஸ்புக் மற்றும் ப்ளாக்கர்

கூகிள் ப்ளஸ் பற்றிய செய்திகளை கடந்த பதிவில் பதிவிட்டிருந்தேன். தற்போது கூகுள் ப்ளஸ் பற்றி சற்று விரிவாக பார்ப்போம். கடந்த ஐந்தாம் தேதி வரையில் கூகிள் ப்ளஸ் அழைப்பிதழ் கிடைக்காததால் கவலையில் இருந்தேன். நண்பர் ப்ரேம் அவர்கள் அனுப்பியிருந்த அழைப்பிதழை க்ளிக் செய்தாலும் "Keep Me Posted" என்றே சொன்னது. பிறகு கூகிள் ப்ளஸ் Vice president ப்ராட்லி ஹோரோவிட்ஸ் (Bradley Horowitz) அவர்களுக்கு மெயில் அனுப்பியிருந்தேன். அவர் அனுப்பிய அழைப்பிதழ் மூலம் கூகிள் ப்ளஸ்ஸில் இணைந்தேன்.

கிட்டத்தட்ட பேஸ்புக் போன்றே காட்சி அளித்தாலும் பேஸ்புக்கைவிட கூகிள் ப்ளஸ் நன்றாக இருக்கிறது. 

சர்கிள்: 

பேஸ்புக்கில் நாம் ஏதாவது பகிர்ந்தால் அது நம்முடைய நண்பர்கள் அனைவருக்கும் சென்றடையும். ஆனால் கூகிள் ப்ளஸ்ஸில் நண்பர்கள், உறவினர்கள், பதிவர்கள் என நம் விருப்பப்படி பல குழுக்களாக (Circle) பிரித்துக் கொள்ளலாம். ஒருவரையே எத்தனை குழுக்களில் வேண்டுமானாலும் சேர்க்கலாம். அவ்வாறு பிரித்துக் கொண்ட பின் குறிப்பிட்ட குழுவில் உள்ளவர்களுக்கு மட்டும் நாம் விரும்பியதை பகிர்ந்துக் கொள்ளலாம்.

நம்மை யாரவது அவர்கள் குழுவில் சேர்த்தால் நமக்கு செய்தி வந்துவிடும். ஆனால் எந்த குழுவில் அவர்கள் சேர்த்தார்கள் என்பது நமக்கு தெரியாது. அவ்வாறு அவர்கள் நம்மை சேர்த்த குழுவில் வேறு யார் யார் இருக்கிறார்கள் என்பதும் நமக்கு தெரியாது.

இது  குறித்து பேஸ்புக்  நிறுவனர் மார்க் ஜுக்கர்பெர்க் (மறைமுகமாக) குறிப்பிடும்போது,

"குழுக்கள் என்பதன் பொருளே, குழுவில் உள்ளவர்கள் ஒருவரை ஒருவர் தெரிந்திருப்பது தான்."

(சரியாக மொழிபெயர்க்க தெரியவில்லை. அவர் கூறியது ஆங்கிலத்தில்,

"The definition of groups is . . . everyone inside the group knows who else is in the group"

இன்னொரு விஷயம் என்னவெனில், நம் அனுமதி இல்லாமலே யார் வேண்டுமானாலும் நம்மை அவர்கள் சர்கிளில் சேர்த்துக் கொள்ளலாம். அதனால் நீங்கள் ஏதாவ்து பகிரும் முன் கவனித்து பகிரவும்.

ஹேங்-அவுட் (Hang-Out):

(படத்தில் கறுப்பு பின்னணியில் இருப்பது என்னுடைய திரை. நான் வீடியோவை மறைத்திருந்தேன்.)

ஹேங்-அவுட் என்பது குழுவாக வீடியோ சாட் செய்யும் வசதியாகும். அதிகபட்சமாக பத்து நபர்களுடன் நாம் நேரிடையாக வீடியோ சாட் செய்யலாம். பத்து நபர்கள் சாட் செய்துக் கொண்டிருக்கும் போது ஒருவர் வெளியேறினால், வேறு யாராவது இணைந்துக் கொள்ளலாம். வீடியோ சாட் செய்துக் கொண்டிருக்கும் போதே text Chat-ம் செய்யலாம். இதுவும் கூகிள் ப்ளஸ்ஸின் சிறப்பம்சமாகும். உங்கள் வீடியோவை மறைத்துக் கொண்டும் மற்றவர்களுடன் வீடியோ சாட் செய்யலாம்.

இதன் மூலம் பதிவர் சந்திப்பு கூட நடத்தலாம். ஆனால் பத்து நபர் மட்டும் தான் கலந்துக் கொள்ள முடியும். பத்து நபர்கள் என்பதை அதிகப்படுத்த வேண்டுமென கூகிளுக்கு பலர் கோரிக்கை விடுக்கின்றனர். 

Photo Tag:

பேஸ்புக்கில் உள்ளது போன்று புகைப்படத்தில் Tag கொடுப்பதுதான். ஆனால்  இதில் எளிமையாக இருக்கின்றது. நாம் Tag கொடுக்கும்போது அந்த கட்டத்தின் அளவை நாம் நம் வசதிக்கு ஏற்ப மாற்றிக் கொள்ளலாம். அதுமட்டுமின்றி புகைப்படத்தில் முகங்கள் இருந்தால் தானாகாவே கண்டுபிடித்து பரிந்துரை செய்கிறது.

பகிர்ந்துக் கொள்வதில் நான்கு முறைகள்:

பேஸ்புக்கில் உள்ளது போன்றே செய்திகள், சுட்டிகள்(Links), வீடியோக்களை பகிரலாம். கூடுதலாக தாங்கள் இருக்கும் இடத்தையும் பகிரலாம். பகிர்வதில் நான்கு முறைகள் இருக்கின்றன.

1. குறிப்பிட்ட ஒருவருக்கு மட்டும்  அல்லது ஒரு குழுவினருக்கு மட்டும் பகிரலாம்.

2. தங்கள் உருவாக்கியுள்ள அனைத்து சர்கிளிலும் உள்ளவர்களுக்கு பகிரலாம். (Your Circles)

3. அனைத்து சர்கிளிலும் உள்ளவர்களுக்கும், அவர்களின் சர்கிளின் உள்ள அனைவருக்கும் பகிரலாம். (Extended Circle)

4. கூகிள் உள்ள ப்ளஸ்ஸில் உள்ள அனைவருக்கும் பகிரலாம். (Public)

பேஸ்புக்கில் வீடியோ சாட்:

பேஸ்புக் தளம் ஸ்கைப் நிறுவனத்துடன் இணைந்து வீடியோ சாட் வசதியை அறிமுகப்படுத்தியுள்ளது. ஆனால் அது One to One சாட் தான். அதனை ஆக்டிவேட் செய்ய http://www.facebook.com/videocalling என்ற முகவரிக்கு சென்று, Get Started என்பதை க்ளிக் செய்யவும். பிறகு நீங்கள் நண்பர்களுடன் சாட் செய்யும் போது மேலே வீடியோ ஐகானை க்ளிக் செய்து சாட் செய்யலாம். 

Video Calling என்ற பெயரில் ஒரு போலியான Application ஃபேஸ்புக்கில் இருக்கிறது. உண்மையில் அது ஸ்பாம் ஆகும்.  

மாறிவிட்டது ப்ளாக்கர்:

                                    

மாறுகிறது ப்ளாக்கர் என்ற பெயரில் கடந்த மார்ச் மாதம் ப்ளாக்கர் புதிய மாற்றங்களை தரவிருப்பதாக கூறியிருந்தேன். அதன் பின் சிலருக்கு மட்டும் சோதனை முறையில் புதிய மாற்றங்களை அறிமுகப்படுத்தியது. சோதனை முறையில் இருந்ததில் சில மாற்றங்களுடன் தற்போது அனைவருக்கும் இந்த வசதியை அறிமுகப்படுத்தியுள்ளது. சோதனை முறையில் Edit Html இல்லாமல் இருந்தது. தற்போது Edit Html பக்கம் இருக்கிறது. முன்பைவிட சற்று எளிதாக இருப்பது போல தோன்றுகிறது.

பழைய டாஷ்போர்டை விரும்புபவர்கள், டாஷ்போர்ட் மேலே வலதுபுறம் 

Make Blogger in Draftmy default

என்ற இடத்தில் உள்ள பெட்டியை Uncheck செய்யவும்.

ப்ளாக்கர் பெயர் கூகுள் ப்ளாக் (Google Blog) என்று பெயர் மாறப்போவதாக பேச்சு அடிபடுகிறது. ஆனால் இதனை கூகிள் அதிகாரப்பூர்வமாக இன்னும் அறிவிக்கவில்லை. கூகிள் பிளஸ் முழுமை அடைந்தபின் அறிவிக்கக்கூடும்

Read More

நீங்கள் அனுப்பிய ஈமெயில்லை திரும்ப பெறுவது எப்படி?

நீங்கள் அனுப்பிய ஈமெயில்லை திரும்ப பெறுவது எப்படி?

நீங்கள் தவறாக sent பண்ணிய ஈமெயில்யை unsent பண்ண முடியும், 

நீங்கள் தவறாகவோ அல்லது மாற்றியோ ஒரு மெயில்யை அனுப்பி விட்டால் அந்த மெயிலை திரும்ப பெற முடியும்.

முதலில் உங்கள் மின்னஞ்சல் கணக்கிற்குள் நுழைந்து கொள்ளுங்கள். 

இப்போது Settings என்பதன் மீது கிளிக் செய்யுங்கள். 

இப்போது Laps – இல் click செய்யுங்கள் 

இப்போது “Undo Send” என்ற பகுதிக்கு வரவும். 

அதில் Undo வசதியை Enable செய்யவும் பின்னர் Save Changes என்ற பட்டனை அழுத்துங்கள்.

இப்போது நீங்கள் ஒருவருக்கு ஈமெயில் அனுப்பிய பிறகு பின்வரும் image தோன்றும் அதில் நீங்கள் Undo என்ற optionயை தேர்வு செய்யவும்.

இந்த image சில நொடிகள் மட்டும் display ஆகும். இந்த image தோன்றும் நேரத்தை 30 வினாடிகள் வரை அதிகப்படுத்த Settings என்பதன் மீது கிளிக் செய்து General என்ற option யை தேர்வு செய்து அதில் Enable Undo Sentல் 30 வினாடிகள் வரை set செய்து Save Changesயை click செய்யவும்.

இப்போது நீங்கள் ஒருவருக்கு ஈமெயில் அனுப்பிய பிறகு Your message has been sent. Undo View Message என்ற image தோன்றும்.

அதில் நீங்கள் Undo என்ற optionயை தேர்வு செய்வதன் மூலம் அந்த mail-யை திரும்ப பெறலாம்.

Read More

உங்கள் Gmail கணக்கை இன்னுமொரு கணினி மூலம் பயன்படுத்தி விட்டு அதனை Sing out செய்ய மறந்து விட்டீர்களா?

நீங்கள் எதோ ஒரு அவசர தேவைக்காகவோ அல்லது வேறு சந்தர்ப்பங்களிலோ உங்கள் Gmail கணக்கை இன்னுமொரு கணனி மூலம் அல்லது Mobile சாதனம் மூலம் பயன்படுத்தி விட்டு அதனை Sing out செய்ய மறந்து விட்டீர்களா?

அவ்வாறு Sing out செய்ய தவறும் பட்சத்தில் உங்கள் விலைமதிப்பற்ற தகவல்களை ஏனையோர் பார்த்துவிடும் சந்தர்பங்களும் ஏற்படுவதுண்டு.

எனவே இதனை Sing out செய்து கொள்வதற்கு மீண்டும் குறிப்பிட்ட கணனியை அல்லது Mobile சாதனத்தை அணுகித்தான் ஆகவேண்டும் என்பதில்லை.

நீங்கள் வீட்டிலோ அல்லது அலுவலகத்திலோ பயன்படுத்தும் கணனி மூலமாகவும் குறிப்பிட்ட கணக்குக்குள் சென்று Sing out செய்ய மறந்துவிட்ட அதனை Sing out செய்து கொள்ளலாம்.

இதனை மேற்கொள்ள ......

குறிப்பிட்ட Gmail கணக்குக்குள் உள்நுழைந்த பின் திறக்கப்படும் பக்கத்தில் கீழ்பகுதியில் Last account activity என்பதுடன் Details என்ற ஒரு இணைப்பு இருக்கும்.

பின் அதனை சுட்டுவதன் மூலம் திறக்கப்படும் புதிய சாளரத்தில் நீங்கள் குறிப்பிட்ட கணக்குக்குள் எந்தெந்த சாதனம் மூலம் உள்நுழைந்துள்ளீர்கள், எவ்வளவு நேரத்துக்கு முன் உள்நுழைதீர்கள், எந்த இணைய உலாவியை பயன்படுத்தி உள்நுழைதீர்கள் என்பதையெல்லாம் பட்டியல் இட்டு காட்டும்.

பின் Sing out all other session என்பதனை சுட்டுவதன் மூலம் நீங்கள் Sing out செய்ய மறந்த அத்தனை சாதனங்களிலிருந்தும் வெளியேறிக்கொள்ளலாம்.

Read More